Ana səhifə Toplum |
Bu gün Bakı Metropoliteni QSC-də Xocalı soyqırımının 24-cü ildönümü ilə əlaqədar tədbir keçirilib.
Axar.az xəbər verir ki, Metropoliten əməkdaşları Xətai rayonunda faciə qurbanlarının xatirəsinə ucaldılmış abidəni ziyarət edərək, abidənin önünə gül dəstələri qoyublar.
Sonra metropolitenin inzibati və texnoloji binasının akt zalında keçirilən tədbirdə soyqırım qurbanları və Azərbaycanın ərazi bütövlüyü uğrunda şəhid olan həmvətənlərimizin ruhu bir dəqiqəlik sükutla yad edilib.
Tədbiri giriş sözü ilə açan Metropoliten İşçiləri Həmkarlar İttifaqının sədri Arif Mərdanov Xocalı soyqırımını bəşəriyyət tarixində bir xalqa qarşı törədilmiş ən ağır cinayətlərdən biri olduğunu qeyd edib.
Qeyd edək ki, tədbirin sonunda metropolitençilərə Xocalı soyqırımına həsr olunmuş və həqiqi faktlar əsasında lentə alınmış "Xoca" filmi nümayiş etdirilib.
Tarix
2016.02.26 / 18:05
|
Müəllif
Fatimə İbrahimova
|