Xəbər verdiyimiz kimi, Yunanıstanın Rodos adasında təşkil edilən qadın şahmatçılar arasında keçirilən Avropa çempionatında şahmatçımız Ülviyyə Fətəliyeva qızıl medal qazanıb.

Axar.az-ın məlumatına görə, Fətəliyeva yarışa uzun müddət hazırlaşdığını bildirib.

"Dünəndən çox sağ olsunlar, məni təbrik edirlər. Başda Mehriban xanım olmaqla, hər kəsə təşəkkür edirəm. Qələbənin atamın doğum gününə ən yaxşı hədiyyə olduğunu düşünürəm. Bakıya qayıdıram və qarşıdakı turnirə hazırlaşacam. Sentyabr ayında Macarıstanın Budapeşt şəhərində 45-ci Şahmat Olimpiadası gözləyir. O yarışa bütün gücümlə hazırlaşıram".

Qeyd edək ki, Gəncə Şahmat Məktəbinin yetirməsi olan Ülviyyə Fətəliyeva qitə çempionatında qızıl medal qazanan ilk azərbaycanlı xanım şahmatçı kimi tarixə düşüb.