Xəstə əməliyyat olunub. Hazırda vəziyyəti ağır olaraq qalır.

Bu barədə Axar.az-a Respublika Kliniki Xəstəxanasının cərrahiyyə şöbəsindən bildirilib. Məlumata görə, özünü güllələyən 23 yaşlı gənc dünən gecə saatlarında əməliyyat olunub.

Xatırladaq ki, Rayon Prokurorluğundan APA-ya verilən məlumatda hadisənin rayonun Şahhüseynli kəndində qeydə alındığı bildirilir.

Kənd sakini, 1993-cü il təvəllüdlü Rahim Əhmədli ov tüfənginin lüləsini ağzına dirəyərək atəş açıb. Nəticədə ağır xəsarət alaraq xəstəxanaya yerləşdirilib.

Gənc oğlanın atasının ağır xəstə olduğu, bu səbəblə baş verənlərdən xəbərsiz olduğu bildirilir.

Faktla bağlı Zərdab rayon Prokurorluğunda Cinayət Məcəlləsinin 125-ci (özünü öldürmə həddinə atdırma) maddəsi ilə cinayət işi başlanıb, araşdırmalar davam etdirilir.