Ana səhifə Toplum |
2024.06.19 - 12:50
Bakıda 27 yaşlı kişi qətlə yetirilib, şübhəli saxlanılıb.
Bu barədə Axar.az-a DİN-in Mətbuat Xidmətindən məlumat verilib.
Bildirilib ki, iyunun 19-da paytaxtın Xəzər rayonunun Mərdəkan qəsəbəsində 1997-ci il təvəllüdlü Adil Xəyal oğlu Talıbov kəsici alətlə qətlə yetirilməsi barədə polisə məlumat daxil olub. Cinayət əməlini törətməkdə şübhəli bilinən 1999-cu il təvvəllüdlü Mətləb Müşfiq oğlu Süleymanlı polis əməkdaşları tərəfindən keçirilən tədbirlərlə saxlanılaraq istintaqa təhvil verilib.
İlkin məlumata görə, hadisə şəxsi münasibətlər zəminində baş verib, araşdırma aparılır.
***
Bakının Mərdəkan qəsəbəsində dəniz kənarında baş verən ağır cinayətin təfərrüatı məlum olub.
Belə ki, hadisə çimərlikdən təxminən 100 metr kənarda baş verib.
Şahidlər bildiriblər ki, ilk olaraq mübahisə dörd nəfər arasında başlayıb:
"İki qadın və iki bəy yeyib-içdikdən sonra yol kənarına çıxıblar, ardınca mübahisə yaranıb və bəylər xanımları döyüblər. Mərhum Adil Talıbov isə gəlib onları sakitləşdirmək istəyərkən dava düşüb. Sonra bəylər xanımları yola salıb, geri qayıdıblar. A.Talıbov onlardan qaçaraq canını qurtarmaq istəyib. Lakin onu 15-20 nəfər döyüb, iki yerdən bıçaqlayıblar. Mətləb Süleymanlı adlı şəxs ona kəsici alətlə xəsarət yetirərək öldürüb".
Qeyd edək ki, mərhum Adil Talıbov Rusiyada yaşayırmış və qonaq qismində bir neçə günlük Bakıya gəlibmiş.
Ətraflı "Xəzər Xəbər"in süjetində:
Tarix
2024.06.20 / 00:43
|
Müəllif
Axar.az
|