Ağdam rayonu ilk köçə hazırlaşır.

Axar.az Milli.az-a istinadən xəbər verir ki, Ağdamın Kəngərli, Sarıcalı, Xıdırlı, Baş Qərvənd kəndlərində evlərin tikintisi davam edir. Kəngərlidə 292, Sarıcalıda 203, Xıdırlıda isə 719 fərdi evin tikintisi aparılır.

Qısa zamanda öz sakinlərini qəbul etməyə hazırlaşan ağdamlıların yol, su, kanalizasiya sistemlərinin infrastrukturu yenidən əsaslı şəkildə qurulur.

Həmçinin tikintidə təbii materiallardan istifadə olunur, evlərin ağıllı texnologiyalar vasitəsi ilə idarə olunması həyata keçiriləcək.

Ağdam və Füzuli rayonlarında - Baş Qərvənd və Dövlətyarlıda ağıllı kənd salınacaq. Ağıllı kəndlərdə günəş panellərindən istifadə ediləcək.

Qeyd edək ki, işğaldan azad olunmuş ərazilərdə hazırda 30 mindən çox insan məskunlaşıb. Onlardan 10 mini öz doğma yurdundan didərgin düşən keçmiş məcburi köçkündür, 20 min insan isə həmin ərazilərin tikintisində və ərazidə olan restoran, mağaza işində çalışır.