Yeni Dövlət Proqramında əsas hədəf piyada hərəkətini təşviq etməkdir. Təbii ki, bu, qısamənzilli səfərlər üçün nəzərdə tutulur.

Axar.az xəbər verir ki, bu sözləri Axar TV-yə nəqliyyat məsələləri üzrə ekspert Elməddin Muradlı deyib.

“Daha sonra mikromobillik nəqliyyat vasitələri ilə səfərlərə təşviq, ardınca ictimai nəqliyyat, sonda isə avtomobil nəqliyyatı hədəf götürülüb. Bunun üçün isə yol şəbəkəsinin genişləndirilməsi nəzərdə tutulur. Yeni yollar salınacaq, ötürücülər, tunellər və s. inşa olunacaq. Bütün bunlar təbii ki, Bakı şəhərində nəqliyyatın hərəkətini tənzimləmək üçün nəzərdə tutulan əsas faktorlardır və bu addımlar mütləq atılmalıdır. Bakı şəhərində nəqliyyat kifayət qədər boğulur. Hər min nəfərə düşən avtomobil sayının əvvəllər dünyanın bir çox ölkələri, Avropa, hətta MDB ilə müqayisədə çox az olduğunu deyirdik. Hazırda respublika üçün nəqliyyat vasitələrinin sayı 1 milyon 800 mindən bir az çoxdur. Dövlət proqramında qeyd olunan rəqəmlər isə bizi doğrudan da təəccübləndirdi. Bakı şəhərində bu rəqəm 132-dən 320-ə qalxıb. Bu, çox fantastik bir artımdır. Bakıda bu qədər nəqliyyat vasitəsinə yer yoxdur. Proqram doğru-düzgün şəkildə icra olunsa, pis təcrübələrdən uzaq olub, hər şeyi dəqiqliklə icra etmiş olsaq, mükəmməl bir nəticə ortaya çıxacaq", - o əlavə edib.

Daha ətraflı süjetdə: