Xəzər rayonunun Mərdəkan şosesinin bir hissəsinin və qəsəbənin Sergey Yesenin küçəsinin təmiri işlərinə start verilib.

Azəravtoyol ASC-dən Axar.az-a verilən məlumata görə, aparılan işlər çərçivəsində yol boyu mövcud piyada səkiləri bərpa olunur, kənarlarına səki daşları düzülür.

Buna paralel olaraq mövcud avtobus dayanacaqlarının genişləndirilməsi işləri də həyata keçirilir, xüsusi "cib"li dayanacaqlar yaradılır.

Müəyyən ərazilərdə avtonəqliyyat vasitələrinin normal hərəkəti üçün yolun hərəkət hissəsi də 0,5-1 metr arası genişləndirilir.

Təmir işləri aparılan ərazilərdə hərəkət hissə-hissə məhdudlaşdırılır.