Prokurorluq orqanlarının fəaliyyətinin yüksək qiymətləndirirəm. Bütün sahələrdə olan inkişaf prokurorluq orqanlarında da h0iss olunur.

Axar.az Teleqraf-a istinadən xəbər verir ki, bunu Bakı şəhər İcra Hakimiyyətinin başçısı Eldar Əzizov Heydər Əliyevin anadan olmasının 102-ci ildönümü münasibətilə tədbir və Bakı şəhər prokurorluğunun inzibati binasının yeni korpusunun açılış mərasimində deyib.

O bildirib ki, işğaldan azad olunan ərazilərdə işlər ildırım sürəti ilə aparılır:

"Digər postsovet ölkələrində durğunluq var, lakin bizim ölkəmizdə inkişaf sürətlə gedir. Azərbaycanda yaşayış səviyyəsi yüksəkdir. Biz bu gün özümüzü Fransa ilə də müqayisə edə bilərik. Lakin biz hazırda postsovet ölkələri ilə müqayisədə xeyli irəliləyik. Balaca ölkə olsaq da, bizim sözümüz keçir".