Cənubi Rusiyadakı "İngilis və Xarici Müqəddəs Kitab Cəmiyyətinin" agenti olan M.A.Morrison Rusiya və Qafqaza səfərindən sonra nüfuzlu Britaniya jurnalında “Müasir Türk Dillərinin Coğrafi Paylanması” adlı məqaləsi dərc edilib. Məqalənin 6-cı bölümü “Azərbaycanlı və ya transqafqazlı” adlanır.

Axar.az xəbər verir ki, bu barədə tarixçi alim Zaur Əliyev bildirib.

“Müəllif yazır: “Mən indi Qafqazın əsas silsiləsindən keçirəm və başqa bir türk dili olan azərbaycanca və Transqafqazda istifadə edilən dillə təmasda oluram. Bu dil 3.000.000-dan çox olan Trans-Qafqaz və Şimal-Qərbi Farsda mühüm məskunlaşmış əhalinin dilidir. Burada köhnə qızılbaşların nəslinə rast gəlirik. Gürcüstanın böyük rayonlarında, Şirvanda və Qaradağda, Qərbi Xəzər sahilində, Rəştdən Dərbəndə qədər, İrəvanın Sırdarlı bölgəsində, farsların əlində olan Azərbaycan, Gilan və Mazandaran əyalətlərində xalqın dili belədir”, - alim bildirib.

M.A.Morrisonun həmin məqaləsi 1886-cı ildə dərc olunub.