Qənirə Paşayeva Polşa Baş nazirinin müavini və İnkiaf naziri Mateusz Moraviecki ilə görüşüb.

Axar.az xəbər verir ki, millət vəkili Azərbaycanın Polşa ilə bütün istiqamətlərdə əlaqələrin inkişafına böyük önəm verdiyini deyib və iki dövlət arasında güclü siyasi, iqtisadi-ticarət əlaqələrinin olduğunu bildirib.

Deputat eyni zamanda, Qarabağdan danışıb və münaqişə nəticəsində öz doğma evlərindən qovulan 1 milyon azərbaycanlının məcburi köçkün həyatı yaşamağa məcbur olması barədə məlumat verib.

Azərbaycana xoş münasibət bəslədiyini deyən polşalı nazir iki ölkə arasında əməkdaşlığın genişlənməsində maraqlı olduqlarını deyib.

Q.Paşayeva həmçinin Varşava Meri Hanna Gronkievicz Valtzla da görüşüb. Görüşdə bu şəhərdə yaşayan və təhsil alan azərbaycanlılardan danışılıb. Millət vəkili azərbaycanlı tələbələrə dəstək göstərilməsi ilə bağlı merə müraciət edib.

O, xüsusilə Dağlıq Qarabağ münaqişəsi ilə bağlı son vəziyyət barədə də məlumat verib.

Tarixdə Polşaya böyük xidmətləri olan azərbaycanlılar barədə də danışan Q.Paşayevanın səsləndirdiyi məlumatlar mer üçün çox maraqlı olub.