Ağdam rayonunda istehsal olunan ayaqqabılar ilk dəfə Qazaxıstana ixrac edilib.

Axar.az Report-a istinadən xəbər verir ki, bu barədə jurnalistlərə Ağdam Sənaye Parkına təşkil olunan mediatur zamanı məlumat verilib.

Bu gün Ağdam Sənaye Parkının rezidenti, Almaniyanın “Desma” şirkətinin ən müasir avadanlıqları ilə təchiz edilmiş “Bafco İnvest” MMC tərəfindən istehsal olunan 5 min cüt xüsusi qoruyucu və poliuretan çəkmələr Qazaxıstana göndərilib.

Yüksək texnoloji xüsusiyyətlərə malik olan avadanlıqlardan istifadə edilməklə istehsal olunan məhsullar yüksək standartlara cavab verir. Qeyd olunub ki, “Bafco İnvest” MMC-nin illik istehsal gücü 510 min cüt ayaqqabıdır. Şirkətdə 67 nəfər daimi işlə təmin edilib.

Bildirilib ki, Ağdam Sənaye Parkında sahibkarlıq fəaliyyətinin inkişaf etdirilməsi üçün əlverişli investisiya mühiti yaradılıb.