İllərdir bitmək bilməyən vətəndaş müharibəsinin yaşandığı Suriyanın Xüms və Şam şəhərlərində uşaq ölümlərinin sayı gündən-günə artmaqdadır.

Axar.az xəbər verir ki, hərbi təyyarələrin hər gün Suriyanın müxtəlif bölgələrində yerli əhalinin yaşadığı ərazilərə təşkil etdiyi hücumlarda aralarında qadın və uşaqların da olduğu yüzlərlə adam faciəvi şəkildə həlak olur.

Bir müddət əvvəl Xümsdə bir neçə aylıq Yəhya Şahab adlı körpənin hökumət qüvvələri tərəfindən təşkil edilən hava hücumu vaxtı qorxudan öldüyü bildirilib. Digər tərəfdən də əhali, xüsusən uşaqlar qida çatışmazlığı və xəstəliklərdən həlak olur.