Metronun "Koroğlu" stansiyasının önündə yaşanan nəqliyyat dramı hər birimizə məlumdur.

Heç kimi, heç nəyi vecinə almayan taksi sürücüləri avtomobillərini dayanacaqlarda saxlamaqla sözügedən ərazidə nəqliyyatı iflic vəziyyətə salır, sərnişinlərin həyatını riskə atırlar.

Nəticədə avtobus sürücüləri taksilərin bu özbaşınalığı üzündən avtobusları yolun ortasında saxlayırlar. Bu problemdən başlıca əziyyəti isə sərnişinlər çəkir.

Yolun ortasında avtobuslara minmək isə sərnişinlərin həyatı üçün təhlükə yaradır, bir yandan da arxadan gələn avtomobillərin ləngiməsinə və tıxacların yaranmasına səbəb olur.

Bakı ətrafı kəndlərə gedən sakinlər demək olar ki, hər gün bu mənzərə ilə üzləşir.

Məsələnin ən xoşagəlməz tərəfi isə odur ki, bütün bunlar nəqliyyat müfəttişlərinin gözü qarşısında baş verir.

Daha ətraflı Axar.TV-nin süjetində: