Ana səhifə Sağlıq |
Mütəxəssislər uşaqların inkişaf dövrlərində uyğun olmayan çantalardan istifadənin gələcəkdə ciddi sağlamlıq problemləri yarada biləcəyi barədə xəbərdarlıq edir. Bəs yaxşı məktəb çantası necə olmalıdır?
Deyerler.org xəbər verir ki, ideal çanta seçimi sağlamlıq üçün çox mühümdür. Xüsusilə şagirdlərin məktəbə gedərkən istifadə etdikləri çantaların seçimi ciddi əhəmiyyət kəsb edir. Çünki uşağa çanta alanda edilən səhv bir seçim uşaqların qamәtindә pozulmalara və ağrılara səbəb ola bilәr.
Ortopediya və travmatologiya üzrə ekspertlər bel, boyun, kürək,
bel ağrıları, qamәt qüsurları, əldə keyimə və s. kimi
şikayətlərimizin səbəbinin istifadə etdiyimiz çantalardan ola
biləcəyini qeyd edirlər.
Çiyin çantaları: Ağır çanta əldə və ya çiyində tək tərəfli
daşınarsa, onurğanın quruluşu üzərində xroniki əlilliklə nəticələnə
və ömür boyu narahatçılıqlara səbəb ola bilər.
Böyük vә ağır çiyin çantaları çiyinin vətərlərində şiş və
müəyyən vaxtdan sonra yırtıqlara səbəb olaraq, çiyin ağrısı yarada
bilər.
Ağır çanta tək çiyinə taxılanda bədənin ağırlıq mərkəzini
tarazlaşdırmaq üçün gövdə və onurğa bir tərəfə və ya önə doğru
(donqar) əyilməyə məcbur olur. Ağır çanta əldə və ya çiyində
təktərəfli daşınırsa, onurğanın zәdәlәnmәsinә qədər gәtirib çıxaran
narahatçılıqlara səbəb ola bilər. Ağır tək tərəfli çiyin çantasının
daşındığı vaxt boyun əzələlərində gərginlik, boyunda ağrı və
gərginlik, baş ağrısı yarana bilər. Fəqərə sümükləri, onurğa
oynaqları və sümüklərin arasında qığırdaqlar həddindən artıq və
səhv daşınan yük səbəbilə zərərlə üzləşə bilər. Qığırdaq toxumaları
qan dövranı və damarları olmayan toxumalardır vә oynaqlardan gәlәn
mayedən qidalanırlar. Bunun üçün də həddindən artıq yükə məruz
qalmaları strukturlarının pozulmasına, tez sıradan çıxmasına və
qocalmasına səbəb olur.
Ağır, nəzik qayışlı çiyin çantaları çiyin hissəsindən əl və qola
gedən damar və sinirlərə təzyiq edərək ağrı və keyiməyə səbəb ola
bilər.
Bel çantaları: Ağır və ya uyğun olmayan bel çantaları bel, boyun
və çiyin ağrısına səbəb ola bilər. Xüsusilə inkişaf dövründəki
uşaqların uyğun olmayan çantalardan istifadə etməsi, bu uşaqlara
gələcəkdə xroniki sağlamlıq problemləri yarada bilər. Bel çantanız
ümumi çəkinizin 15%-ni keçməməlidir. Qayışları sərt və dar, ya da
çox zəif olmamalıdır. Nazik kəməri olan çantalar çiyinlərin müəyyən
nöqtəsinə həddindən artıq təzyiq etməsi nəticəsindә qolların
damarlarına və sinirlərə təzyiq edərək ağrı və keyiməyə səbəb
olurlar. Bərk qayışlar bel, boyun və kürəyinizdəki bağ toxumasına
zərər verir. Məktəb yaşlı uşaqlarında bel, boyun, çiyin ağrısı və
qamәtin pozulmasının səbəbi kimi ağır bel çantaları ola
bilər.
Çanta ağırlaşdıqca və daşıma müddəti uzandıqca boyun önə doğru
əyilir və bədəndə yüklər düzgün paylanmır!
Bel çantası tək tərəfli daşınanda isə "skolioz" adlandırılan
onurğanın yana əyriliklərini artıra bilər. Ağırlığın bir tərəfli
qaldırılması, hәmin hissəyə olan təzyiqi iki dәfә çox artıracaq, vә
hәmöin nahiyәdә yaranacaq deformasiyalar şikəstlik təhlükəsini
artıracaq. Bundan başqa, boyartmanın sürətlə getdiyi dövrdə
birtərəfli yüklənmə onurğada yana əyriliklərə (skolioz) səbəb ola
bilər.
Çantanı çiyində daşımağa üstünlük verənlər uzun müddət bir
tərəfdə daşımaq əvəzinə yer dəyişdirmə ilə istifadə etsələr yaxşı
olar!
Bəs məktəb çantaları necə olmalıdır?
Çanta qayışları: Çantanın ağırlığının orqanizmə balanslı və
bərabər paylanması üçün qayışlar yumşaq və bərabər uzunluqda
olmalıdır. Sərt çiyin qayışları çiyin əzələlərinə zərər vuraraq,
ağrı səbəb ola bilərlər. Dar, sərt və incə olan çiyin qayışları
qollara gedən damar və sinirlərə təzyiq edərək, qollarda ağrı,
keyiməyә səbəb ola bilər. Çiyin qayışları geniş və ortopedik olan
çantalara üstünlük verilməlidir. Nazik və ortopedik olmayan
qayışlar yüklənəndə çiyinlərə təzyiq edərək, altındakı çiyin
oynağında və çiyin-kürək əzələlərində əzilmə və ağrıya səbəb
olurlar.
Çantanın bel hissəsi: Bel hissəsi ortopedik qaydada olan
çantalara üstünlük verin. Bu tip çantalar ağırlığın doğru
paylanmasını təmin edir və ayaq üstə durmağı asanlaşdıran bir dayaq
nöqtəsi yaradır.
Çantanın ağırlığı: Çantasının boş çəkisinin də yüngül olmasına
diqqət edilməlidir. Çantanın dolu çəkisi bədən çəkisinin orta
hesabla 10-15 %-i qədər olmalıdır. Bu nisbət ibtidai sinif
uşaqlarında 3-4 kq, digər uşaqlar da isə orta hesabla 5-8 kq
arasında olmalıdır.
Məktəb çantalarından düzgün necə istifadə etmək
olar?
Bel çantaları və içindəki çəkilərin ümumi uşağın bədən çəkisinin
10-15%-dən az olmalıdır.
Ağırlıq çanta içərisində uyğun paylaşılmalı və daha ağır əşyalar
kürəyə və belə yaxın ciblәrә qoyulmalıdır.
Bel çantaları uzun müddət daşınmamalıdır, uzun müddət ayaqda
qalınarsa, çıxarılmalıdır.
Ortopedik/erqonomik yəni, iki geniş və dəstəkli çiyin qayışı və
bel kəməri olan yüngül çantalara üstünlük verilməlidir.
Bel çantası hər iki çiyin qayışından asılaraq düzgün şəkildə
daşınmalıdır.
Ağır çantalarda bel-oma qayışı da istifadə edilməlidir;
qayışları geniş və yumşaq çantalara üstünlük verilməlidir.
Bel çantasının hər iki qayışı birlikdə istifadə edilməlidir və
belin 5 sm yuxarısında möhkəm bir formada qoyularaq
tənzimlənməlidir.
Həkimin təklif etdiyi bel əzələlərini inkişafetdirici məşqlərin
edilməsi təmin edilməlidir.
Təkərli kürək çantalarına üstünlük verilməlidir.
Şagirdlərin məktəbdə qıfıllı dolabları olmalı, evə yalnız
ehtiyacları olanları gətirməlidir.
Müəllimlər və valideynlər ağır çanta və ağır kitab daşımaq
problemini danışmalıdırlar.
Bütün kitabları daşımaq əvəzinə, yalnız hissələrin surəti
çıxarıla bilər.
Valideynlər çantada təmizliyә nəzarət etməli və ehtiyac olmayan
materialları çantadan çıxarmalıdır.
Uşaq tez-tez bel ağrısından şikayət edirsə, həkimilə mütləq danışılmalıdır.
Tarix
2016.08.23 / 23:57
|
Müəllif
Axar.az
|