Bu gün Topaz Premyer Liqasında VI tura yekun vurulub.

APA-nın məlumatına görə, son oyun günündə 1 qarşılaşma baş tutub.

Turun son matçı Bakıda keçirilib. Turnir cədvəlinin aşağı pillələrində qonşu olan "Neftçi" və "Sumqayıt" paytaxt təmsilçisinin meydanında üz-üzə gəliblər.

Ardıcıl 4 məğlubiyyət almaqla, ölkə çempionatlarındakı antirekordunu müəyyənləşdirən "ağ-qaralar" bu matçda da dönüş edə bilməyiblər. Komanda hesabı açsa da, üstünlüyünü qoruya bilməyib. İlk hissə bərabərliklə başa çatıb.

İkinci hissədə daha bir dəfə fərqlənən "Sumqayıt" matçdan qələbə ilə ayrılıb.

"Neftçi" – "Sumqayıt" - 1:2

Qollar: Cavid İmamverdiyev, 6 - Yusif Nəbiyev, 19, Seymur Əsədov, 71