Ana səhifə Planet |
Hollandiyada hökumətin kral ailəsinə yüksək məbləğdə pul verməsi mübahisəyə səbəb olub.
Axar.az xəbər verir ki, D66 Partiyası seçki bəyannaməsində bu müavinətin azaldılacağını vəd edib. Hollandiyada Kral Villem-Aleksandrdan sonra taxta çıxacağı gözlənilən şahzadə Amaliyanın 18 yaşı tamam olduqdan sonra gününə 4 min avro müavinət alacağı bildirilib.
Orta məktəbdə təhsil alan Amaliyanın 18 yaşı 2021-ci ilin 7 dekabrında tamam olacaq. Amaliya Hollandiya tarixinin 1 nömrəli varisi olduğu üçün bu tarixdən etibarən dövlət xəzinəsindən pul alacaq.
Kraliça Beatriks 42 yaşında, Kral Villem-Aleksandr 46 yaşında taxta çıxıb. Amaliya kraliça tacını taxacağı bu yaş aralığına qədər təxminən 30 milyon avro gəlir əldə etmiş olacaq.
Qeyd edək ki, Hollandiya parlamentinin kral ailəsinə verilən müavinəti azaltmaq haqqı var. Lakin bunun üçün uzun müddətli konstitusiya dəyişikliyi lazımdır. Məclisin üçdə ikisi bu dəyişikliyi dəstəkləməlidir. Lakin indiki mövqeyə görə, məclis belə bir dəyişiklik etməyə lüzum görmür.
Tarix
2016.10.02 / 00:27
|
Müəllif
Aytac Qədirova
|