Millət vəkili Qənirə Paşayeva BULTÜRK baş katibi Rafət Ulutürk və təşkilatın üzvləri ilə görüşüb.

Axar.az xəbər verir ki, millət vəkili görüşdə Azərbaycan həqiqətləri, Ermənistanın torpaqlarımızın 20%-ni işğal altında saxlaması, qaçqın və məcburi köçkünlər, Dağlıq Qarabağ və işğal edilmiş digər Azərbaycan ərazilərində ermənilər tərəfindən dinc azərbaycanlılara qarşı törədilən soyqırım və qətliamlar barədə məlumat verib.

Q.Paşayeva Azərbaycan QHT-ləri ilə türk dövlət və toplumlarından olan QHT-lər arasında əməkdaşlığın artmasının vacibliyi qeyd edib.

Qarabağ həqiqətlərinin yayılması istiqamətində hər zaman öz fəaliyyətləri ilə Azərbaycanın yanında olduqlarını və bundan sonra da olacaqlarını deyən Rafət Ulutürk və təşkilat üzvləri millət vəkili Q.Paşayevaya Bolqarıstanda türklərin vəziyyəti ilə bağlı son məlumatlar verib.

Millət vəkili Azərbaycan gənclərinin orada yaşayan insanımızı daha yaxından tanıması işinə töhfə vermək üçün Bolqarıstan türkləri ilə bağlı hazırladığı yazıların yaxınlarda dərc ediləcəyini bildirib.