Yenidən şou-biznesə qayıtdım, çünki məni yaşadan sənətimdir. 2008-ci ildə ifa etdiyim "Hardasan" adlı mahnım mənə çox uğur gətirdi.

Bu sözləri müğənni Samrina Hüseynova yenidən şou-biznesə qayıtması haqda Axar.az-a danışarkən deyib. O, yeni ifa etdiyi "Mən sevirəm" adlı bəstə ilə şou-biznesdəki fəaliyyətini bərpa etdiyini bildirib:

"İnanıram ki, "Mən sevirəm" adlı mahnı da mənə uğur gətirəcək. Bəstənin sözləri, musiqisi, aranjimanı həmkarım Elnar Xəlilova məxsusdur. Layihənin rəhbəri prodüser Roland Bayramovdur. Bilirəm ki, şou-biznes olan yerdə söz-söhbətlər də var, amma mən qalmaqalla gündəmdə qalmaq istəmirəm. Yalnız sənətimlə irəli gedəcəyəm".