Yağış Goranboy rayonunda evlərə ziyan vurub.

Axar.az ARB-yə istinadən xəbər verir ki, güclü yağışlar Goranboy rayonunda fəsadlara yol açıb.

Qaraçay və Goran çayının məcrasından çıxması daşqına səbəb olub. Nəticədə ona yaxın yaşayış məntəqəsini su basıb.

Evlərin həyətyanı sahələri ilə yanaşı, kənd təsərrüfatına da ziyan dəyib, ev quşları tələf olub. Fəsadların aradan qaldırılması üçün əraziyə texnikalar cəlb edilib. Adıçəkilən çaylardakı sel suları nəzarət altına alınıb.

Rayon Fövqəladə Hallar Komissiyası sel sularından zərər görən yaşayış məntəqələrinə dəyən ziyanın miqyasını araşdırır.

Конец переписки