ABŞ prezidentliyinə namizəd Donal Trampın oğlu Erik Tramp atasına səs verdiyi seçki blüteninin fotosunu Tvitter hesabında paylaşaraq seçki qaydalarını pozub.

Axar.az xəbər verir ki, Erik Tramp fotoya "atama səs vermək inanılmaz bir qürurdur. O, ABŞ üçün müdhiş işlər görəcək" yazıb.

Onun yol verdiyi bu qayda pozuntusu ictimaiyyətin sərt reaksiyasına səbəb olub. Nyu York qanunlarına əsasən, seçicilərin sandıq başında hər hansı bir namizədin təbliğatını aparması qadağandır. Namizələrdən biri haqda yazılı, yaxud digər bir formada təbliğat aparmaq üçün sandıqdan azı 30 metr kənarda olmaq lazımdır.