22:49

Azərbaycan-Ermənistan qoşunlarının təmas xəttində vəziyyət yenidən gərginləşib.

Yerli sakinlərin "Musavat.com"a verdiyi məlumata görə, bu gün axşam saatlarından başlayaraq Tovuz rayonunun Əlibəyli kəndi Ermənistan silahlı birləşmələri tərəfindən yenidən intensiv atəşə tutulub.

Sakinlərin sözlərinə görə, artıq iki saatdır ki, 10-15 dəqiqə fasilələrlə erməni silahlı birləşmələri kəndi iri çaplı silahlardan atəşə tutur.

İtki barədə heç bir məlumat yoxdur.

Əlavə məlumat verəcəyik.

23:20

Hazırda Əlibəyli kəndində sakitlik yaranıb.

Kənd sakinlərinin Axar.az-a verdiyi məlumata görə, Azərbaycan Ordusunun düşməni susdurmaq üçün açdığı atəşlərdən sonra ermənilər atəşə ara veriblər.

Amma sakinlər bunun müvəqqəti ola biləcəyini qeyd edir.

Xatırladaq ki, iyulun 26-dan başlayaraq, ermənilər Əlibəyli kəndini qısa fasilələrlə gülləbaran edirlər. Gülləbaran nəticəsində 2 nəfər mülki Əlibəyli sakini yaralanıb, ermənilər isə 3 əsgər itiriblər.