Ana səhifə Video |
Birinci Dünya Müharibəsindən sonra Qafqazda vəziyyət daha da gərginləşdi.
Yeni dövlətlərin yaradılması, üstəlik Antanta blokunun Osmanlı imperiyasını parçalamaq istəməsi erməniləri aktivləşdirdi. Onsuz da həm ruslar, həm də Qərb Birinci Dünya Savaşı zamanı ermənilər başda olmaqla digər xalqlardan Osmanlıya qarşı ustalıqla istifadə etmişdilər. Nəticədə qısa zaman içərisində yeni yaranmış erməni təşkilatları Qərbdən gələn maliyyənin əsasında daha da varlanmışdılar. Beləliklə, bu təşkilatların ölkə ərazisində hərəkəti asanlaşmışdı. Maraqlısı isə odur ki, Osmanlı imperiyasının daxilində olan bəzi demokratik yönümlü qüvvələr erməni təşkilatları ilə əlbir hərəkət edirdi. Burada isə məqsəd imperatorun devrilməsi idi. Qafqazda da ermənilərin himayədarları artırdı. Qəribə məqam isə bütün güclərin erməni dövləti yaratmaq istəməsi ilə bağlı idi.
İstər Antanta, istərsə də Üçlər İttifaqının lideri olan Almaniya bu dövlətin yaradılmasında maraqlı idi. Məhz bununla Osmanlının zəifləməsi və Qafqaza çıxarılmasına maneə yaradılacaqdı. Lakin güclənən erməni təşkilatları Qərbdəki havadarları vasitəsilə öz fəaliyyətlərinin yeni mərhələsinə keçdilər.
Daha ətraflı Axar TV-nin təqdim edəcəyi süjetdə
Tarix
2014.10.30 / 12:24
|
Müəllif
Ülkər Cəfərova, İlkin Həsənov
|