"Putinin ideyası Sovet İttifaqını yox, çar imperiyasını bərpa etməkdir. Rusiya hazırda hərbi doktrinasını dəyişib. Yeni doktrina Rusiya ordusuna nüvə silahından istifadə etmək hüququ verir".

Axar.az xəbər verir ki, bu barədə Estoniya kanalına müsahibəsində rus politoloq, Putinin siyasətini daim tənqid edən Andrey Piontkovski deyib. O, Rusiyanın gec-tez Estoniya və Latviyaya hücum edəcəyini bildirib:

"Rusiya Gürcüstan və Ukrayna ilə müharibə öncəsi istifadə etdiyi kimi, Latviya və Estoniyaya qarşı da eyni metoddan istifadə edir, Baltikyanı ölkələrdə təbliğat və psixoloji müharibə aparır. Rusiyanın hücum edəcəyini Eston DTK zabitinin qaçırılması və baş verən bir çox insidentlər göstərir. Demək olar ki, hər gün, Rusiyanın təyyarələri iki ölkənin hava məkanını pozur. Rusiya bu ölkələrdə öz təbliğatını aparır. Bu hibrid müharibəsinin elementləridir. Lakin Qərblə böyük müharibə hələlik mümkün deyil. Amma Finlandiya və Polşa da özlərini təhlükəsiz hiss etmirlər. Putinin ideyası Sovet İttifaqını yox, çar imperiyasını bərpa etməkdir. Rusiya hazırda hərbi doktrinasını dəyişib. Yeni doktrina Rusiya ordusuna nüvə silahından istifadə etmək hüququ verir. Putin şahmat yox, poker oynayır. Və daim daha böyük oynayır".