Daxili İşlər Nazirliyi Baş Pasport, Qeydiyyat və Miqrasiya İdarəsinin təşəbbüsü ilə 3 dekabr-Beynəlxalq Əlillər günü ərəfəsində, noyabrın 26-da Abşeron rayonunun Saray qəsəbəsində yerləşən fiziki və əqli qüsurlu uşaqlar üçün internat evində şəxsiyyət vəsiqələrinin verilməsi ilə bağlı səyyar xidmət keçirilib.

Axar.az Daxili İşlər Nazirliyinin saytına istinadən xəbər verir ki, Respublika Uşaq Fondu Səbail rayon şöbəsinin sədri Xalidə Bayramova və Baş Pasport, Qeydiyyat və Miqrasiya İdarəsinin şöbə rəisi, polis polkovniki Gülşən Əhmədovanın da iştirak etdikləri tədbir zamanı internat evində yaşayan 18 nəfərə şəxsiyyəti təsdiqləyən sənədlər təqdim olunub, burada işləyən 3 müəllimin isə şəxsiyyət vəsiqəsi yeniləri ilə əvəz edilib.