Dağıstan Prezidenti Ramazan Abdulatipov Yalova bələdiyyə sədri Vəfa Salman ilə görüşüb.

Axar.az xəbər verir ki, Dağıstanda səfərdə olan Yalova bələdiyyə sədri Salman Abdulatipovla işgüzar iclas keçirib.

Türkiyə ilə ticari və iqtisadi əlaqələrin inkişaf etdirilməsinin vacib olduğunu vurğulayan Abdulatipov Dağıstan və Türkiyə arasında əməkdaşlıq üçün bir çox sahələrin mövcud olduğunu bildirib.

Dağıstanın 10 ölkə ilə əməkdaşlıq etdiyini qeyd edən prezident Türkiyə ilə ticarət həcminin 1 milyard dollara yüksəldilməsinin lazım olduğunu deyib. Türkiyə iş adamlarını Dağıstana sərmayə yatırtmağa çağıran Abdulatipov bunun üçün şəraitin də yaradılacağını bildirib.