"Əgər Rusiya bu gün iqtisadi böhranın içərisindədirsə, Ermənistan Rusiyanın dividentlərinə və köməyinə etibar etməməlidir".

Axar.az xəbər verir ki, bu barədə politoloq Liliya Şevsova erməni mətbuatına açıqlamasında deyib. Politoloq iqtisadi böhranın Rusiyada inqilabla nəticələnəcəyini bildirib:

"Rusiyanın hazırda üzləşdiyi problemləri anlamaq çətin deyil. Əgər Rusiya bu gün iqtisadi böhran içərisindədirsə, Ermənistan Rusiyanın dividentlərinə və köməyinə etibar etməməlidir. Kremlin indiki rəhbərliyinin siyasəti Rusiyanı çıxılmaz vəziyyətə qoydu və ölkəni iqtisadi böhrana gətirib çıxardı. İnqilabı pis standartlarda yaşayan əhali edir və hazırda Rusiyanın hakimiyyət orqanları yeni inqilab üçün zəmin hazırlayır".