Topaz Premyer Liqasında 2014/15 mövsümünə doqquzunu yerdə start verən "Bakı" fiaskodan qurtulmaq niyyətindədir.

Axar.az xəbər verir ki, klubdaxili böhrana son qoymaq üçün rəhbərlik artıq hərəkətə keçib.

Maliyyə problemləri ucbatından düşərgədən ayrılan 6 futbolçunun yerini doldurmaq üçün bir sıra yeni oyunçular gətirilib.

Türkiyə çempionatında çıxış edən Rəhman Hacıyevin və Rusiyanın "Daqdizel" klubundan Murad Hüseynovun kluba cəlb edilməsi yeni mövsümdə nəticənin yaxşlaşdırılmasına yönəlib. Klub bundan başqa "Sumqayıt"dan Tagim Novruzovu və Ramazan Abbasovu, "Rəvan"dan Kamil Nurəhmədovu da heyətinə cəlb edə bilib.

Bildirək ki, Aqil Məmmədov ("Neftçi"), Yure Travner ("Ridinq", İngiltərə), Lukas Mario Horvat, Risto Ristoviç, Rəhman Hacıyev ("Neftçi") və Cəmşid Məhərrəmov ("Adanasor" Türkiyə) klubla yollarını ayırıb.

Xatırladaq ki, bir müddət öncə klubda vəziyyətin böhran həddinə çatmasi ilə bağlı məlumat vermişdik. İş adamı Hafiz Məmmədovun kapital axınını klubdan uzaq tutması, futbolçuların maaşlarının vaxtında verilməməsi klubun çempionatın birinci dövrəsini 9-cu pillədə yekunlaşdırması ilə sonuclanıb.