Avropa Şurası Parlament Assableyası Rusiyanın səs hüququnun dayandırılması barədə qərar qəbul edib.​

Axar.az xəbər verir ki, bununla bərabər, aprel sesiyasında Rusiyanın assamleyanın orqanlarına rəhbərlik etmək imtiyazı da olmayacaq.

Rusiyanın AŞPA-dakı nümayəndə heyətinin rəhbəri Aleksey Puşkov deyib ki, Rusiya AŞPA-nı bu ilin sonunda tərk edəcək.

"Biz ilin sonuda AŞPA-dan çıxacağıq", - deyə Puşkov AŞPA-nın Rusiyanın səsvermə və aprel sesiyasında rəhbər orqanlarda iştirak hüququnu əlindən alması qərarını şərh edərkən bildirib.

Xatırladaq ki, bu qərar gözlənilən idi və bir neçə gündür müzakirə edilirdi. Az öncə Rusiyanın AŞPA-dakı nümayəndəliyinin sədr müavini Leonid Sleçki də böyük ehtimalla ölkəsinin ilin sonuna qədər qurumdan çıxacağını qeyd etmişdi.