Ana səhifə Planet |
Nigeriyada prezident və parlament seçkiləri keçirilir. "BBC-Azərbaycanca" yazır ki, prezidentlik uğrunda əsas mübarizə hazırkı dövlət başçısı Qudlak Conatanla sabiq prezident, general Məhəmməd Buhari arasında gedir.
Seçkilər fevralda keçiləcəkdi. "Boko Haram" təşkilatının əlində olan bəzi ərazilərə nəzarəti qaytarmaq məqsədilə təxirə salınmışdı. Prezidentliyə namizədlər zorakılığa son qoyacaqlarını vəd ediblər. Səsvermə 36 ştatda və paytaxt Abucada keçirilir.
Bir sıra seçki məntəqələrində növbələrin yarandığı bildirilir. Səsvermə barmaq izlərilə təsdiqlənən biometrik kartlar vasitəsilə aparılır.
Buhari prezident seçkiləri uğrunda mübarizəyə 4-cü dəfədir ki, qatılır. Onun dövründə uzun müddət sürən hərbi idarə 1999-cı ildə sona çatıb. O zamandan bəri PDP hakim partiya olaraq qalmaqdadır. Həcminə görə Afrikanın ən iri iqtisadiyyat sahibi - Nigeriya həm də aparıcı neft istehsalçısıdır.
Seçkilər günü səsvermə məntəqələrinə "Boko Haram" təşkilatının hücumu nəticəsində 6 adam öldürülüb. 2011-ci ildən bəri generalla prezident arasında hakimiyyət uğrunda çəkişmə 800 adamın ölümünə səbəb olub.
Tarix
2015.03.29 / 01:39
|
Müəllif
Nigar İxtiyarqızı
|