"Vaşinqton Ukrayna Prezidenti Pyotr Poroşenkonun yerinə oliqarx İqor Kolomoyskini dəstəkləyə bilər".

Axar.az xəbər verir ki, bu iddia ilə Almaniya mətbuatı çıxış edib.

Mətbuatın sözlərinə görə, Kolomoyskinin vəzifədən qovulmasından sonra Vaşinqton hələ də prezidenti dəstəkləyəcək mövqe ortaya qoymayıb:

"Kolomoyskinin devrilməsi Poroşenko üçün təhlükəli ola bilər. Kolomoyski özünün güclü şəxsi ordusuna malikdir və bununla Ukraynanın mərkəzində ağalıq edə bilər. Kolomoyskini Makkeyn və Nuland kimi siyasətçilər Rusiyaya qarşı mübarizədə Poroşenkodan üstün tuta bilərlər".

Qeyd edək ki, Poroşenko martın 25-də Kolomoyskini Dnepropetrovsk qubernatoru vəzifəsindən azad etmişdi. Yəhudi milyarder hazırda Ukraynanın Dnepropetrovsk və Odessa əyalətlərinə nəzarət edir. O, həmçinin Ukrayna ordusunun müxtəlif bölmələrini, "Dnepr" və "Şturm" batalyonlarını maliyyələşdirir.