Ana səhifə Gündəm |
Sabiq metropoliten rəisi Tağı Əhmədova Yeni Azərbaycan Partiyasında vəzifə verilməsi barədə mediada yayılan xəbərlərə aydınlıq gətirilib.
Partiyanın mətbuat xidmətinin rəhbəri Hüseyn Paşayev Axar.az-a açıqlama verərək bildirib ki, Yasamal rayon təşkilatının vəfat etmiş sədri Fikrət İsmayılovun yerinə kimin seçiləcəyi nizamnaməyə uyğun olaraq konfransın nəticəsinə əsasən müəyyən ediləcək:
"Çox güman ki, Yasamal rayon təşkilatının İdarə Heyətinin vahid qərarı ilə sədr vəzifəsi müvəqqəti olaraq kiməsə həvalə ediləcək. Növbəti konfransa qədər ola bilər ki, müavinlərdən və ya idarə heyəti üzvlərindən kiməsə həvalə edilsin. Konfransda isə artıq sədr seçiləcək. Sədrin vəzifəsinin kimə həvalə ediləcəyi Yasamal rayon təşkilatının İdarə Heyətinin qərarından asılıdır".
Xatırladaq ki, Yeni Azərbaycan Partiyası (YAP) Yasamal rayon təşkilatının sədrinin vəzifələrinin konfransa qədər Tağı Əhmədova həvalə olunacağı gözlənilir. Sədrin müavini olan T.Əhmədov ötən ilin dekabrından Aparat rəhbəri vəzifəsini daşıyır.
Tarix
2015.04.01 / 18:11
|
Müəllif
Nigar İxtiyarqızı
|