Somalı uşaqların fotolarından ibarət sərgi təşkil olunacaq.

Axar.az xəbər verir ki, Türkiyənin Soma vilayətində baş verən mədən faciəsindən sonra könüllülərdən ibarət bir qrup fotoqrafın təhsil verdiyi 68 Somalı uşağın fotolarından ibarət sərgi keçiriləcək. Sərgi mayın 10-da İstanbulda Oyuncaq muzeyində baş tutacaq və iyunun 1-nə qədər davam edəcək.

Qeyd edək ki, "Şəkillə uşaq olmaq" adlı könüllü fotoqraf qrupu 13 may 2014-cü ildə meydana gələn mədən faciəsindən sonra Somaya gedib və 14-17 yaş arası məktəbli uşaqlara yaşadıqları travmanı unutdurmaq və bir hobbi qazandırmaq məqsədilə fotoaparat hədiyyə edib. Qrup 6 həftə davam edən foto təlimindən sonra ortaya çıxan kadrları sərgiləmək qərarına gəlib.