Türkiyədə fabriklərdən birində fəhlələrin ölümü və xəsarət alması ilə nəticələnən güclü partlayış baş verib.

ANS-in yerli mətbuata istinadən verdiyi məlumata görə, hadisə paytaxt Ankaranın Kazan rayonunda baş verib. Rayon ərazisində fəaliyyət göstərən sement fabrikində semen qazanı partlayıb və yanğın başlayıb.

Baş vermiş bədbəxt hadisə nəticəsində 3 fəhlə ölüb, 2 nəfəri ağır olmaqla 5 fəhlə isə yaralanıb. Partlayışdan sonra hadisə yerinə çox sayda təcili yardım və yanğınsöndürmə briqadaları cəlb olunub. Yanğınsöndürmə briqadalarının müdaxiləsi ilə yanğının qarşısı alınıb, yaralılar isə yaxınlıqda olan xəstəxanalara çatdırılıblar.