"Məlum hadisə ilə bağlı yekun qərarı rəhbərlik verəcək".

Bu sözləri Milli Televiziya və Radio Şurasının Monitorinq şöbəsinin müdiri Təvəkkül Dadaşov "Əsl şou" verilişində Səidə Sultanın yaşadığı qəza ilə bağlı Axar.az-a danışarkən deyib:

"Bu fakt bizə məlumdur. Bu barədə arayış tərtib edib rəhbərliyə təhvil vermişik. Faktı dəyərləndirmək, qanun pozuntusu olub-olmadığını müəyyən etmək isə bizim səlahiyyətimizdə deyil. Məlum hadisə ilə bağlı yekun qərarı rəhbərlik verəcək".

Xatırladaq ki, bir neçə gün əvvəl "Əsl şou" verilişi zamanı aparıcı-müğənni Səidə Sultanın sinəsinin görünməsi mətbuatda böyük rezonans doğurub.