Ana səhifə Planet |
Türkiyənin Suriyanın şimalı ilə bağlı hazırladığı yol xəritəsi bəlli olub.
Axar.az bu barədə "Star" qəzetinə istinadən xəbər verir. Yol xəritəsinin 6 maddədən ibarət olduğu bildirilir:
1. Cerablus-Mare xəttində inkişaf edəcək hadisələr bundan sonra milli təhlükəsizlik baxımından strateji əhəmiyyət daşıyır.
2. Əsəd rejimi artıq Azad Suriya Ordusu (ASO) və İŞİD-in tabeliyindəki Türkiyə sərhədinə dönməyəcəyini bilir. Türkiyə ASO-nun nəzarətində olan Mare başda olmaqla bütün bölgənin İŞİD-ə qarşı müdafiəsi yönündə ASO-ya hərtərəfli dəstək verilməsini qərarlaşdırıb.
3. Məsələ ABŞ-la birgə dəyərləndirilib. Hətta Amerika təyyarələri Türkiyənin verdiyi koordinatlar çərçivəsində ASO-nun işini asanlaşdırmaq üçün beş fərqli əməliyyatı tamamlayıb.
4. Türkiyə Silahlı Qüvvələrinə verilən hökumət təlimatı: İŞİD-in Suriyada hücum etdiyi bütün dost birliklərin güclü şəkildə dəstəklənməsi və bunun müntəzəm davamı, eyni zamanda, İŞİD-in irəliləməsi əngəllənəcək. Türkiyə SQ digər bütün ssenarilər üçün də planlamalarını artıq tamamlayıb.
5. Türkiyə İŞİD-in Cerablus-Mare xəttinə hücumu zamanı ASO-nun nəzarətindəki 4,5 milyon insanın sərhədə doğru irəliləməsindən narahatdır.
6. Dövlətin əlaqəli qurumları Tel-Əbyaddakı hadisələr çərçivəsində PYD ilə təmas saxlayacaq. Ankara bölgənin kürdləşdirilməsi, özəlliklə irəlidə kürd-ərəb qarşıdurmasını önləmək üçün artıq PYD-yə son xəbərdarlığını edib.
Tarix
2015.07.03 / 14:32
|
Müəllif
Aygün Yusibova
|