Ana səhifə Planet |
İŞİD-in Suriyadakı antik şəhər Palmiradakı muzeyin qarşısında olan məşhur aslan heykəlini parçaladığı təsdiqlənib.
Axar.az xəbər verir ki, Suriya Muzeylər və Tarixi Əsərlər rəhbəri Məmun Əbdülkərim İŞİD-in Palmira Muzeyinin qarşısında olan 1900 illik "Əl Lat Aslanı" heykəlini parçalara ayırdığını təsdiq edib.
AFP-yə açıqlama verən Əbdülkərim belə deyib: "İŞİD yaraqlıları bənzərsiz və əvəzsiz bir əsər olan "Əl Lat Aslanı"nı keçən həftə yox edib. Bu, İŞİD-in bu günə qədər Palmiranın mədəniyyət mirasına qarşı işlədiyi ən böyük cinayətdir. Zərər görməsin deyə böyük dəmir lövhələr və qum torbaları ilə əhatələnmişdi, amma təbii ki, İŞİD-in gəlib yerlə-yeksan edəcəyini bilməzdik".
İŞİD terror təşkilatı Palmiradakı heykəllərdən bəzilərini qaçıran bir qaçaqmalçını Hələbdə tutduğunu da iddia edib və onun əlindəki 8 büstü xalqın gözü qarşısında çəkiclərlə parçaladığına dair bir foto paylaşıb.
Xatırladaq ki, İŞİD Suriyanın antik şəhəri olan Palmiranı mayın 21-də ələ keçirib. Məmun Əbdülkərim mayın 24-də Hz. Məhəmmədin əmisi oğlunun nəslindən gələn Məhəmməd bin Əli ilə başqa bir önəmli din adamı Nizar əbu Bahəddinə aid türbələrin partladıldığını açıqlamışdı.
Tarix
2015.07.04 / 01:14
|
Müəllif
Nilufər Muğantürk
|