Çad məhkəməsi, paytaxt Ncamenada iyunun 15-də təşkil olunan 28 nəfərin öldüyü, 191 nəfərin yaralandığı hücumları törətməkdə təqsirli bilinən 10 Boko Haram üzvünə edam cəzası verib.

Axar.az xəbər verir ki, çərşənbə günü başlayan məhkəmədə şübhəlilər, adam öldürmək, terror təşkilatı yaratmaq, kamikadze hücumu təşkil etmək, hərbi silah-sursat saxlamaq və narkotik maddələri saxlamaq və istifadə etməklə günahlandırılıblar.

Xatırladaq ki, iyunun 15-də Polis Akademiyasında 5 dəqiqə fasilə ilə 2 bombanın partlaması nəticəsində 16-sı polis olmaqla 19 nəfərin, mərkəzi polis idarəsinə edilən hücumda isə 9 nəfərin öldüyü açıqlanmışdı. Hücumlarda ümumilikdə 57-si ağır olmaqla 101 nəfərin yaralandığı bildirilmişdi. 3 kamikadzenin törətdiyi hücumu Boko Haram terror təşkilatı öz üzərinə götürmüşdü.