"Fitç" Azərbaycanın "sabit" investisiya səviyyəli beynəlxalq kredit reytinqini təsdiq edib.

Maliyyə Nazirliyindən Axar.az-a verilən məlumata görə, 29 avqust 2015-ci il tarixində "Fitç Reytinq" (Fitch Ratings) beynəlxalq kredit reytinq agentliyi Azərbaycanın uzunmüddətli yerli və xarici valyutada reytinqini BBB- investisiya səviyyəsində təsdiq edərək proqnozu "sabit" saxlayıb.

Hesabatda qeyd olunur ki, investisiya səviyyəli reytinq ölkənin aşağı suveren borcu, 2006-cı ildən yüksək xammal qiymətləri nəticəsində yığılmış iri həcmdə xarici valyuta aktivlərini əks etdirir.

Agentliyin qənaəti ondan ibarətdir ki, hökumət vergi gəlirlərində və kapital xərclərində mövcud valyuta ehtiyatlarının azalmasının qarşısını alacaq.