Ana səhifə Planet |
İraq Prezidenti Fuad Masum İraq Kürd Regional Partiyasında (İKBY) baş verən siyasi böhranın həlli üçün çağırış edib.
Axar.az xəbər verir ki, prezident kürd xalqına və kürd partiyalarına göndərdiyi məktubda Süleymaniyyə vilayətinin Kaladize mahalında baş verən hadisələrin olduqca təhlükəli olduğunu deyib:
"Şimali İraq diqqətə çarpan iki böhranla qarşı-qarşıyadır. Biri Şimali İraqın rəhbərliyi ilə bağlı yaranmış siyasi böhran, digəri isə eyni anda həm hökumətə, həm də vətəndaşlara qarşı yaranmış iqtisadi böhran. Bunlarla bərabər Şimali İraq və ümumilikdə ölkəmizi təhdid edən İŞİD var. Üzərinizə düşən vəzifə Şimali İraqı siyasi qarşıdurma meydanına çevirməməkdir".
Xatırladaq ki, İKBY nəzarətindəki Süleymaniyyə vilayətində baş verən nümayişlərdə 5 nəfər ölmüş, 200-dən çox adam yaralanmışdı.
Tarix
2015.10.13 / 11:35
|
Müəllif
Şəmsəddin Ənsar
|