Bu kitab mənim cənab prezidentə təşəkkürümdür.

Bu sözləri əməkdar artist Bəhram Bağırzadə yeni çıxan kitabı ilə bağlı Axar.az-a danışarkən deyib. Aktyor kitabda paytaxt Bakıdakı abadlıq işlərinə aid fotoların yer aldığını bildirib:

"Bu kitab foto-albom formatındadır. Adı isə "Baku-2003-2015"-dir. Yəni bu, 12 il ərzində mənim sevimli şəhərimdə - Bakıda tikilən binaların, körpülərin, stadionların, bir sözlə, cənab prezidentin göstərişi ilə tikilən binaların fotolarından ibarət bir kitabdır.

Şərq fəlsəfəsində 12-lik deyə bir anlayış var. 12 ildən bir insan özü ilə hesabat aparır, 12 ay var, 12 bürc var. Mən də bu 12 illikdə çox hörmət etdiyim cənab prezidentin şəhərimizdə gördürdüyü memarlıq işlərinə yer vermişəm. Halbuki onlar bir kitaba sığmır. Buna baxmayaraq, çalışdım ki, az bir hissəsinə də olsa, bu kitabda yer verim. Bu kitab mənim bir vətəndaş kimi, Bakı sakini kimi cənab prezidentə təşəkkürümdür. Təqdimat mərasimi, inşallah, gələn ilin may ayında olacaq".