Ana səhifə Planet |
Rusiyanın Ankaradakı səfiri Türkiyə Xarici İşlər Nazirliyinə çağırılıb.
Axar.az RİA-ya istinadən xəbər verir ki, səfir Andrey Karlovun nazirliyə çağırılma səbəbi Türkiyənin Rusiyadakı səfirliyinin və nümayəndəliklərinin önündə keçirilən etiraz aksiyalarıdır.
Türkiyə XİN bəyanatında bu haqda deyilir:
"Biz son günlər Rusiyada yerləşən diplomatik missiyalarımıza və şirkətlərimizin nümayəndəliklərinə etiraz aksiyası bəhanəsi ilə hücumların törədildiyini təəssüflə müşahidə edirik. Aksiyalar başladıqdan dərhal sonra Rusiyadakı diplomatik missiyalarımız Rusiyanın müvafiq orqanlarına müraciət edərək təhlükəsizliyin təmin olunması ilə bağlı əlavə tədbirlərin görülməsini tələb ediblər".
Qeyd edək ki, Rusiyanın Ankaradakı səfirliyinin mətbuat katibi İqor Mityakov Andrey Karlovun XİN-ə çağırıldığını təsdiqləyib, lakin görüşlə bağlı təfərrüatı açıqlamayıb.
Tarix
2015.11.27 / 00:05
|
Müəllif
Rəfiqə Əlisəfa
|