Çinin paytaxtı Pekində havanın çirklənməsi yüksək səviyyəyə çatıb. Pekində havadakı zərərli hissəciklərin miqdarı normalda 2,5 faiz olduğu halda 400 faizi keçib. İntensiv hava çirklənməsinə görə ətrafı görmək mümkün deyil.

Axar.az "Hürriyyət" qəzetinə istinadla xəbər verir ki, bununla bağlı artıq Çin Milli Meteorologiya Mərkəzi (NMC), paytaxt Pekinlə bərabər, Tienci, Şandonq, Hıbey və Hınan şəhərlərində havanın çirklənəcəyi barədə məlumat yayıb. Bu şəhərlərdə sarı həyəcan siqnalı verilib.

Qeyd edək ki, Çində bu ilk hal deyil. Dəfələrlə belə haldisələr yaşanıb. Ölkədə hava çirklənməsi təhlükəsinə uyğun olaraq mavi, sarı, narıncı və qırmızı həyəcan siqnalı verilir.