Bakıda milyonluq villalar satışa çıxarılıb.

Axar.az-ın apardığı monitorinqə görə, paytaxtın müxtəlif ərazilərində bahalı malikanələr yeni sahiblərini gözləyir.

Badamdar qəsəbəsi, 2-ci massivdə yerləşən villa 1 milyon 200 min manata satışa çıxarılıb. İmarət "Gəlin Qaya" restoranının arxasında yerləşir. Villanın yerləşdiyi ərazi 6 sot torpağın içindədir. Üçmərtəbəli yeni villa ən yüksək səviyyədə təmir olunub.

Bilgəhin milyonçular məhəlləsində isə üç mərtəbəli, səkkiz otaqlı, həyətində 300 ağacı olan villa satılır. Həmçinin, həyətində üçotaqlı mühafizəçi evi də var. Dəbdəbəli evin sahibi mülkünü 2 milyon manata satışa qoyub.

Novxanıda dənizə gözəl mənzərəsi olan üç mərtəbəli bağ evi 1 milyon 800 min manata satılır.

Bakının Teymur Əliyev küçəsində yerləşən, iki mərtəbəli villa da 1,6 milyona satışdadır. Bir maşınlıq qarajı, zirzəmidə yerləşən hovuzu, saunası və idman zalı var.