Bəstəkarları çox sevirəm, amma çaşmasınlar. Hamısına yaxşı pul verirəm.

Axar.az xəbər verir ki, bu sözləri əməkdar artist Röya Ayxan bəstəkarlarla arasında yaşanan qalmaqal haqda "ATV maqazin onlarla" verilişində danışarkən deyib. O, bütün bəstəkarlara yaxşı qonorar verdiyini bildirib:

"İlk mahnılar mənim evimə gəlir. İndi gənc ifaçıların oxuduğu mahnıların hamısı birinci mənə gəlir, hamısı var məndə. Bundan sonra da ilk mənə gələcək, çünki onları dəyərləndirirəm. Bir dəfə mənə mahnı satdılar, oxudum, səsimə yatmadı. Pulunu əvvəlcədən vermişdim.

Qaytardım ki, get sat, sonra pulumu ver. Bir müddətdən sonra məşhur müğənni oxudu. Bəstəkara dedim, nə oldu pulum? Dedi ki, sən öl, pul istəyəndə müğənni dedi, utanmırsan, pul istəyirsən? Mən ulduzam". Düşündüm ki, mənə gələndə studiyaya çatan kimi qiymət qoyurlar".