Ana səhifə Planet |
Heç kimə qarşı zalım olmadıq. Bizim mərhəmətimizə dünya şahiddir.
Axar.az xəbər verir ki, bu sözləri Türkiyə Baş naziri Əhməd Davudoğlu müğənni Mahsun Kırmızıgülün "Zalım baş nazir" ittihamına münasibət bildirərkən deyib.
"Mənə ittihamlar yağdırır. Bizim mərhəmətimizə dünya şahiddir. Amma zülmümüzə kimsə şahidlik etməyib. Fələstinli uşaqlar, arakanlı yetimlər, aclıqdan ölən somalili körpələr, Türkiyənin cənub-şərqində terrora qarşı mübarizə aparan gənclər də mərhəmətimizə şahiddir. Zalımlara qarşı necə mübarizə apardığımızı hər kəs yaxşı bilir. Bizə zalım deyənlər, PKK-nın törətdiklərinə baxsın. Türk xalqı bizi də, onları da görür", - Davudoğlu bildirib.
Qeyd edək ki, bir müddət öncə müğənni Mahsun Kırmızıgül Tvitter hesabında Baş nazir Əhməd Davudoğlunu zalım adlandırmışdı.
Tarix
2016.02.01 / 20:54
|
Müəllif
Kamran Ədalət
|