Səudiyyə Ərəbistanı İŞİD-ə qarşı mübarizədə koalisiya qüvvələri ilə birgə qurudan hərbi əməliyyatlar aparmağa hazırdır.

Axar.az xəbər verir ki, bu barədə Səudiyyə Ərəbistanının ordu qüvvələrinin sözçüsü general Əhməd Asiri "Əl-Ərəbiyə" televiziyasına açıqlamasında deyib.

Səudiyyənin ABŞ-dakı səfirliyi də Tvitterdə açıqlamasında ölkənin İŞİD-ə qarşı mübarizəyə hazır olduğunu deyib:

"Ölkəmiz İŞİD-lə döyüşmək üçün Suriyaya ordu qüvvələri göndərməyə hazırdır".

Qeyd edək ki, ABŞ Dövlət Katibliyinin sözçüsü Con Kirbi Səudiyyənin bu qərarına hələlik şərh verməyib. O, bu qərarın dəyərləndirildiyini söyləyib.