Kanada ordusu Arktikada genişmiqyaslı təlimlərə başlayıb.

Axar.az xəbər verir ki, bu barədə informasiyanı Kanada Müdafiə Nazirliyi yayıb. Nazirlik təlimlərdə 2,5 min hərbçinin iştirak edəcəyini bildirib. Təlimlərə həmçinin ABŞ Milli Qvardiyasının, Yeni Zelandiya və Polşanın da hərbçiləri cəlb olunub.

Qeyd edək ki, son günlər məhz Arktika ucbatından Kanada ilə Rusiyanın münasibətləri pisləşib. Rusiyanın bu ərazilərdə öz bazalarını və yeni hərbi texnikasını yerləşdirməsi rəsmi Ottavanın etirazına səbəb olub. Kanada ilə yanaşı, digər Qərb dövlətləri də Arktikanın hərbiləşdirilməsinin əleyhinə çıxış ediblər.