Ana səhifə Planet |
NASA-nın qırmızı planet adlandırılan Marsda gizli
yeraltı bazası aşkarlanıb.
Publika.az xarici
mətbuata istinadən xəbər verir ki, kosmik sahədə araşdırma aparan
ekspertlər bu iddia ilə çıxış ediblər.
Onlar belə qənaətə gəliblər ki, Marsda çəkilmiş fotolarda xüsusi
vasitələrlə görüntüsü məhdudlaşdırılmış ərazi əslində yeraltı
bazadır. Qırmızı planetə dair çoxsaylı fotoların araşdırılması
ekspertlərin NASA-nın Marsdakı gizli ərazini əks etdirən əsl
fotonun gizlədilməsi iddiası ilə çıxış etməsi ilə nəticələnib.
Araşdırmaçılar bildirirlər ki, qırmızı planetin bir hissəsini əks
etdirmək məqsədilə Quql ("Google Earth") proqramından istifadə
edilməsi zamanı bununla bağlı məlumat qəsdən təhrif edilib. Amma
buna baxmayaraq, araşdırmaçılar Marsda dördbucaqlı qara dəliyin
olduğunu müəyyən ediblər.
"Express"in yazdığına görə, ekspertlər qara dəliyin tədqiq
edilməsinə, şəkillərin öyrənilməsinə saatlarla vaxt sərf ediblər.
Sonda isə qırmızı planetdə yeraltı bazanın mövcudluğu qənaətinə
gəliblər.
Məşhur ufoloq Skott Varinq bununla bağlı yayılmış videogörüntünü
izləsə də, hər hansı ətraflı açıqlama verə bilməyib. O, yalnız bu
sözləri deyib: "Mars səthində kosmik gəmilərin enişi üçün xüsusi
yer var". Skott Varinq əlavə edib ki, yeraltı baza indi yeni
sakinlərinin yolunu gözləyir.
Yutubda yerləşdirilmiş "Marsda gizli strukturlar, onların bir çoxu
gizli saxlanılır" videogörüntülərinin müəllifi Marsel İrazus
bildirib ki, kosmik agentliklərin bu cür sirlərini üzə çıxarmaq
cəhdləri uğursuzluğa düçar olur.
Bir çoxları iddia edir ki, Marsdakı bu görüntünü Quqlun ("Google
Earth"in) köməyilə müəyyən etmək mümkündür. Amma bu, görüntünün
dəqiq və keyfiyyətli qeydə alınmasından asılıdır.
Tarix
2016.02.10 / 23:09
|
Müəllif
Axar.az
|