Bolqarıstan Cənub Axını layihəsi üçün Rusiya ilə danışıqlara başlamaq istəmir.

Axar.az xəbər verir ki, bunu jurnalistlərə açıqlamasında Bolqarıstanın Xarici İşlər naziri Daniyel Mitov söyləyib. Onun sözlərinə görə, bununla bağlı Sofiya Moskva qarşısında heç bir məsələ qaldırmayıb.

Qeyd edək ki, bundan öncə Rusiyanın Energetika nazirinin müavini Yuri Sentyurin Bolqarıstanın Cənub Axını layihəsi ilə bağlı danışıqlara yenidən başlamaq istədiyini bildirmişdi.

Cənub Axını layihəsi Türkiyə ilə Rusiya arasında yaranan konfliktdən sonra öz əhəmiyyətini itirib. Bu layihə həmçinin Cənub Qaz Dəhlizi layihəsinin əsas rəqibi hesab edilirdi.