Qərb ölkələri Krım və Donbasa görə Rusiyanı lazımı qaydada cəzalandırmadılar.

Axar.az xəbər verir ki, bu sözlər rusiyalı politoloq Andrey Piontkovskinin Ukrayna mətbuatında dərc olunan yazısında yer alıb. Onun sözlərinə görə, Rusiya və NATO arasında müharibənin olacağı inandırıcı deyil:

"Düşünürəm ki, Moskva bu dərəcədə ağılsızlıq etməyə hazır deyil. Kremlin bütün cəhdləri NATO-nun sayıqlığını yoxlamağa yönəlib. Əgər NATO Pribaltikada öz qoşunlarını yerləşdirməsəydi, o zaman yaşıl adamcıqlar zamanla burada peyda olacaqdılar. İndi aydın olan odur ki, Ukraynadan fərqli olaraq NATO Pribaltikada vuruşmağa hazırdır. Müharibə olmayacaq, amma Moskva da öz provokasiyalarını dayandırmayacaq".